I. Kafli: Um Tinktúru félag lyfjafræðinema
1.gr. Félagið heitir Tinktúra, félag lyfjafræðinema við Háskóla Íslands. Lögheimili
þess og varnarþing er í Reykjavík.
2.gr. Allir stúdentar innritaðir í Lyfjafræðideild Háskóla Íslands geta orðið félagar í
Tinktúru. Félagsgjöld má innheimta einu sinni á ári og skal það gjald vera samkvæmt
því sem ákveðið er á aðalfundi.
- Engin getur orðið meðlimur Tinktúru án þess að greiða árlegt félagsgjald. Þetta á við um stjórnarmeðlimi, embættismenn og alla aðra nemendur.
3.gr. Hlutverk félagsins er að hafa forgöngu í félagslífi lyfjafræðinema við Háskóla
Íslands, efla fræðslu, gæta hagsmuna þeirra í hvívetna og vera fulltrúi þeirra innan
háskólans og utan. Félagið skal annars milligöngu milli lyfjafræðinema við Háskóla
Íslands og annarra háskóla og gangast fyrir að afla upplýsinga um framhaldsnám.
II. Kafli: Um aðalfund
4.gr. Aðalfundur félagsins skal haldinn að vori ár hvert. Til aðalfundar skal boðað
með auglýsingu í húsakynnum deildarinnar, á tölvupósti og á heimasíðu Tinktúru,
með minnst 5 daga fyrirvara. Aðalfundur telst löglegur sé löglega til hans boðað og
skulu þær ákvarðanir standa sem á honum eru teknar með meirihluta atkvæða.
Atkvæðisrétt hafa meðlimir Tinktúru.
5.gr. Dagskrá aðalfundar er: 1. Skýrsla stjórnar. 2. Endurskoðaðir reikningar félagsins
lagðir fram til umræðu og samþykktar.3. Tillögur til lagabreytinga ræddar, ef nokkrar
eru, og atkvæði greidd um þær.
- Kosningar samkvæmt 16. grein laga félagsins. 5. Ákvörðun félagsgjalda. 6. Önnur
mál.
III. Kafli: Um stjórn Tinktúru og embættismenn
6.gr. Stjórn félagsins er skipuð fimm félagsmönnum. 1. Formaður 2. Varaformaður-
Ritari 3. Gjaldkeri 4. Skemmtanastjóri 5. Meðstjórnandi. Atkvæði formanns skal
ráða falli atkvæði jöfn. Stjórn Tinktúru hefur heimild til að vísa embættismanni úr
starfi eftir skriflega áminningu ef hann uppfyllir ekki skyldur sínar. Það skal vera
einróma samþykkt innan stjórnarinnar. Stjórn Tinktúru er heimilt að skipa
embættismann til lengri eða skemmri tíma með samþykki viðkomandi aðila í stað
þess sem vikið er úr starfi.
7.gr. Formaður félagsins er formælandi félagsins út á við. Hann boðar stjórnarfundi
og stýrir þeim. Formaður er fulltrúi nemenda í deildarráði lyfjafræðideildar. Þar skal
hann gæta hagsmuna lyfjafræðinema og ekki taka veigamiklar ákvarðanir né leggja
þeim lið, nema að höfðu samráði við stjórn Tinktúru. Vilji formaður ekki sinna
embætti í deildarráði getur hann falið öðrum nemenda það í hendur innan stjórnar
Tinktúru með samþykki nemendans. Ef enginn fæst til að sinna embættinu er
formaður skyldugur til að gegna því. Formaður er jafnframt áheyrnarfulltrúi í
Stúdentaráði HÍ. Er formaður lýkur störfum heldur hann sæti sínu í deildarráði næsta
starfsár. Undir embætti formanns fellur umsjónarmaður heimasíðu og öryggisfulltrúi.
Formaður, eða annar nemandi í stjórn sem ákveðinn er í samráði við stjórn Tinktúru,
skal sitja í fulltrúaráði Heilbrigðisvísindasviðs, Heiló. Í fulltrúaráðinu sitja fulltrúar
allra deilda sviðsins, auk sviðsráðs Heilbrigðisvísindasviðs sem er hluti af
Stúdentaráði HÍ. Í því felst að sitja fundi einu sinni í mánuði og vera tengiliður
Tinktúru við sviðsráð Heilbrigðisvísindasviðs.
8.gr. Varaformaður-ritari skal rita fundargerðir stjórnarfunda og kemur á framfæri
fréttum af starfi félagsins. Varaformaður-ritari skal hafa umsjón með tölvupósti og ber
ábyrgð á því að tölvupósti sé svarað. Útgáfa félagsskírteina og birting á lögum
félagsins er á ábyrgð ritara. Varaformaður-ritari er jafnframt staðgengill formanns, ef
þörf krefur. Varaformaður-ritari skal fá úthlutað 200 blaðsíðna prentkvóta af reikning
Tinktúru á hverju starfsári.
9.gr. Gjaldkeri skal bera ábyrgð á fjárreiðum félagsins. Hann skal halda dagbók um
tekjur og útgjöld félagsins, og leggur á aðalfundi fram endurskoðaða reikninga þess.
Félagatal er í höndum gjaldkera. Gjaldkeri félagsins er einnig staðgengill
varaformanns-ritara ef þörf krefur.
10.gr. Skemmtanastjóri skal hafa yfirumsjón með skemmtunum lyfjafræðideildar, svo
sem að útvega vísindaferðir í samstarfi við aðra stjórnarmeðlimi og gæta þess að
skipulagning atburða hefjist tímanlega. Skemmtanastjóri skal leggja fram áætlun að
skemmtunum hverrar annar tímanlega fyrir stjórn, áætlun haustannar skal kynnt stjórn
eigi síðar en 15. ágúst og áætlun vorannar eigi síðar en 15. desember.
11.gr. Meðstjórnandi skal tilnefndur af 1. ársnemum að hausti. Starf hans er að stuðla
að eflingu félagslífs innan lyfjafræðideildar og stuðla að því að upplýsa samnemendur
sína á 1 .ári um starfsemi félagsins.
12.gr. Hirðljósmyndari félagsins sér um að myndatökur af viðburðum félagsins og að
birta myndirnar í samstarfi við umsjónarmann heimasíðu. Hirðljósmyndari ber ábyrgð
á myndavél félagsins og sér um viðhald. Kostnaður vegna viðhalds er greiddur af
tækjasjóði félagsins.
13.gr. Félagslegir endurskoðendur skulu vera tveir og fara þeir yfir reikninga
félagsins fyrir aðalfund. Skulu þeir yfirfara reikninga félagsins og ganga úr skugga
um að fyllsta heiðarleika sé gætt við framsetningu þeirra. Þeim ber skylda til að
upplýsa fundarmenn á aðalfundi ef þeir hafa einhverjar athugasemdir gert við
reikninga félagsins sem að ekki hafa fengið eðlilega skýringu að þeirra mati.
14.gr. Ritstjóri Lybbafrétta skal sjá um útgáfu Lybbafrétta. Í embætti ritstjóra mega
fleiri en einn aðili sitja. Hlutverk hans skal vera að stýra ritnefnd sem sér um útgáfu á
Lybbafréttum. Ritstjóri er jafnframt ábyrgðarmaður blaðsins. Ritstjórn skal skipuð
einum einstakling af hverju ári og skulu þeir einnig þjóna sem tengiliðir síns árs við
stjórnina sé enginn í stjórn af þeirra ári. Þessir aðilar skulu vera tilnefndir af sínu ári í
byrjun hvers skólaárs. Lybbafréttir skulu koma út að minnsta kosti einu sinni á hverri
önn, það er, einu sinni á haustönn og einu sinni á vorönn. Þar að auki skal koma út eitt
blað á ári þar sem árshátið Tinktúru eru gerð skil.
15.gr. Fulltrúar erlendra samskipta eru tveir, kosinn er einn fulltrúi á hverju ári sem
situr í tvö ár. Fulltrúi erlendra samskipta þjónar sem tengiliður við alþjóðleg félög
lyfjafræðinema fyrir hönd lyfjafræðinema.
16.gr. Jafnréttisfulltrúi er einn, kosinn á aðalfundi ár hvert. Hlutverk
jafnréttisfulltrúa er að fjalla um og hafa eftirlit með að jafnrétti sé framfylgt innan
deildarinnar. Öllum ábendingum er varða jafnrétti skal koma til fulltrúans og hann
kemur þeim áleiðis þangað sem við á.
17.gr. Kosning embættismanna á aðalfundi skal vera leynileg. Kosningarétt hafa allir
félagsmenn Tinktúru. Kosningu skal þannig háttað: 1. Formaður, varaformaður-ritari
og gjaldkeri svo og skemmtanastjóri skulu kosnir fyrst og í þeirri röð sem að framan
greinir. Meðstjórnandi er tilnefndur af 1. árs nemum á kynningarfundi í upphafi
kennsluárs. 2. Hirðljósmyndari félagsins kosinn. 3. Félagslegir endurskoðendur
kosnir. Framboð eru einstaklingsbundin en hver kjósandi kýs tvo frambjóðendur og
hljóta tveir atkvæðahæstu kosningu. 4. Fulltrúar í námsnefnd. Kosið skal um einn
fulltrúa úr BS námi og einn fulltrúa úr MS námi, þannig að tveir fulltrúar nemenda
sitji ávallt í námsnefnd. 5. Fulltrúi erlendra samskipta kosinn. Hann skal kosinn til
tveggja ára. 6. Ritstjóri Lybbafrétta kosinn. 7. Jafnréttisfulltrúi kosinn. 8. Kosning í
önnur embætti og nefndir eftir þörfum Lyfjafræðideildar og Tinktúru.
Framboð þurfa að berast stjórn Tinktúru að minnsta kosti 24 tímum fyrir aðalfund. Ef
ekkert framboð berst í embætti er öllum meðlimum Tinktúru sem sitja aðalfundinn
heimilt að bjóða sig fram. Einnig þarf að auglýsa embætti að minnsta kosti viku fyrir
aðalfund. Ef embættismaður Tinktúru af einhverjum ástæðum hættir störfum, eða ekki
fæst til þess framboð á aðalfundi er stjórn Tinktúru heimilt að skipa embættismenn
utan aðalfundar til lengri eða skemmri tíma.
18.gr. Vantraust á stjórninni skal borið fram skriflega og skal minnst ¼ félagsmanna
undirrita það. Stjórninni er skylt að halda félagsfund um vantraust innan tveggja vikna
og skal boða til hans á sama hátt og segir til um aðalfund. Til að vantrauststillagan nái
fram að ganga skal ný stjórn kosin á sama hátt og á aðalfundi.
19.gr. Stjórnin boðar til félagsfundar þegar hún telur þörf á. Stjórnin skal halda
kynningarfund fyrir 1. ársnema í upphafi kennsluárs þar sem að starfsemi félagsins og
lög þess eru kynnt. Allir viðkomandi embættismenn skulu sitja þann fund ásamt stjórn
Tinktúru. Stjórninni er skylt að boða til fundar svo fljótt sem unnt er, og málefni
krefst, ef 10 félagar eða fleiri æskja þess. Til fundar skal boðað á sama hátt og segir til
um aðalfund, þó með minnst sólarhrings fyrirvara.
20.gr. Óski nemendur eftir því að skipuleggja vísindaferðir er þeim heimilt að sækja
um styrk úr félagssjóði og skal sú umsókn berast skriflega eða munnlega. Stjórn
Tinktúru skal taka umsóknir upp á stjórnarfundum og ákveða það hverju sinni hvort
félaginu sé stætt á að greiða úr sjóðum sínum fyrir slíkar ferðir.
IV. Kafli: Um tekjur og eignir félagsins
21.gr.
- Félagsgjald skal ákveðið á aðalfundi og sé þess getið í fundarboði. Tekjum
félagsins skal varið til starfsemi þess, eftir því sem stjórnin ákveður hverju sinni.
- Sjóðir félagsins eru tveir annar nefndur félagssjóður reikningsnúmer 301-26-057057.
Allar tekjur af rekstri félagsins skulu innfærðar á þann reikning svo sem félagsgjöld,
sala á skemmtanir félagsins o.s.frv. Sá síðari er hinn svonefndi tækjasjóður
reikningsnúmer 0338-13-220203 allar tekjur af ljósritun skulu innfærðar á þann
reikning, þeim peningum má verja til tækjakaupa og viðhalds á eignum félagsins.
22.gr. Reikningsár félagsins er á milli aðalfunda. Reikningum félagsins skal skilað til
félagslegra endurskoðenda þess minnst 3 sólarhringum fyrir aðalfund. Þá skulu
endurskoðaðir reikningar félagsins liggja frammi á aðalfundi.
V. Kafli: Um borðamál
23.gr. Stjórn Tinktúru annast úthlutun borða í lesrými Haga. Skal sú úthlutun fara
fram að hausti, svo fljótt sem unnt er. Við úthlutun skal eftirfarandi forgangsröð gilda:
1. Í fyrsta forgangi eru þeir nemendur sem komnir eru lengra í námi sínu. 2. í öðrum
forgangi eru þeir sem gegna embættum fyrir Tinktúru, félag lyfjafræðinema. Séu tveir
eða fleiri nemendur í sama forgangi skal hlutkesti ráða hvor/hver fær úthlutað borði.
Úthlutun skal endurskoðuð í janúar að höfðu samráði við þá sem hafa borð til umráða.
Skulu sömu úthlutunarreglur gilda ef til nýrrar úthlutunar kemur. Hafa skal 4 borð
laus borð sem ekki er úthlutað.
VI. Kafli: Um erlend samskipti
24.gr. Ef fjöldi fulltrúa Tinktúru á ráðstefnur og viðburði erlendis er takmarkaður
sökum fjármagns eða annarra þátta skal forgangsraða þeim nemum sem óska eftir að
fara, sem hér segir: 1. Í fyrsta forgangi eru þeir nemendur sem gegna stöðu fulltrúa
erlenda samskipta. 2. Í öðrum forgangi eru embættismenn á vegum Tinktúru félags
lyfjafræðinema. 3. Í þriðja forgangi eru nemar sem komnir eru lengra í námi sínu. Ef
forgangur nema er jafn skal varpa hlutkesti um hver sé valinn tl ferðarinnar.
25.gr. 1. Fulltrúar erlendra samskipta greiða viðkomandi ráðstefnuförum hluta eða
allan raðstefnu- og ferðakostnað eftir því sem fjármagn leyfir af reikningi erlendra
samskipta . 2. Umframstyrktarfjárhæðir skulu vera geymdar á reikningi erlendra
samskipta til úthlutunar næsta árs. 3. Ráðstefnufarar skulu afhenda fulltrúum erlendra
samskipta yfirlit yfir styrktaraðila og styrktarfjárhæðir sem voru veittar.
VII. Kafli: Lagabreytingar og gildistaka
26.gr. Breytingar á lögum þessum verða aðeins gerðar á löglegum aðalfundi og þarf
2/3 hluta atkvæða til að samþykkja tillögur um lagabreytingar. Breytingartillögur
þurfa að hafa borist stjórn félagsins skriflega einum sólarhring fyrir aðalfund. Í öllum
öðrum málum nægir einfaldur meirihluti greiddra atkvæða, sé ekki annað tekið fram.
27.gr. Lög þessi öðlast þegar gildi. Lagabreytingartillögur sem samþykktar eru á
aðalfundi öðlast gildi eftir að aðalfundi er slitið og ný lög félagsins hafa hlotið
birtingu á heimasíðu félagsins. Ber ritari fráfarandi stjórnar ábyrgð á birtingu
endurskoðaðra laga og skal það gert innan 7 sólarhringa frá aðalfundi. Stjórn er heimilt að
leiðrétta augljósar stafsetningavillur eða misritanir í lögum þessum utan aðalfundar.
Breytingarnar skulu þó bornar undir næsta reglulega aðalfund til staðfestingar.
VIII. Kafli: Um atburði á vegum Tinktúru
28.gr Skráning á atburði Tinktúru er bindandi sólarhring fyrir ferð. Stjórn Tinktúru er
heimilt að setja viðurlög gegn fjarveru á atburði.
IX. Kafli: Aðstöðumál lyfjafræðinema
29.gr. Lyfjafræðinemar hafa aðgang að sameiginlegum ísskáp í eigu Tinktúru sem er í
eldhúsinu í Haga. Gegn því að hlutir sem eru geymdir í honum séu kyrfilega merktir
upphafsstöfum eiganda og ári. Á föstudögum hefur stjórn nemendafélagsins leyfi til
að fleygja ómerktum hlutum úr ísskápnum.